Расписание
Мяжа Нарвілішак – 2013, 78 хвілін
(сумесна са студый Артуро Міо (Францыя)
Аўтар сцэнарыя і рэжысёр Дзмітрый Махамет, аператары Рымвідас Лейпус, Дзмітрый Махамет.
На карце Беларусі ёсць месца, дзе тэрыторыя Літвы ўразаецца вузкаю палоскаю ў беларускую тэрыторыю. Атрымліваецца своеасаблівы клін даўжынёю 20 кіламетраў, дзе і месціцца вёска Нарвілішкі. Насупраць яе з беларускага боку – вёска Пецкуны. Паміж імі – плот, мяжа, якую нельга пераходзіць. Па сутнасці калісьці адзіны Віленскі край, дзе заўсёды жыло шмат беларусаў, сёння сваімі часткамі уваходзіць у розныя дзяржавы. Такія аб’ектыўныя рэаліі, Але ўсе жыхары Нарвілішак, негледзячы на іх літоўскае грамадзянства, – беларусы, якія не размаўляюць па-літоўску, жывуць і дыхаюць беларускім часам. Праз рытм зменлівых сезонаў аўтар фільма назірае і сустракае гэтых людзей і гэтае месца, якое знаходзіцца паміж Беларуссю і Літвой, паміж мінулым і сучасным. Штодзённае жыццё падаецца ў кантэксце, які стварае памежжа.