Дзяржаўны музей гісторыі беларускай літаратуры – гэта адзін з буйнейшых літаратурных музеяў нашай краіны і адзіны літаратурны музей, які займаецца дакументаваннем літаратурнага працэсу на Беларусі ў шырокім гістарычным кантэксце: ад часоў узнікнення пісьменства да сённяшніх дзён.

Заснаваны 6 лістапада 1987 года па загадзе Міністэрства культуры БССР. Музей размясціўся ў некалькіх будынках Траецкага прадмесця ў Мінску, плошчы якіх падчас правядзення рамонту былі прыстасаваны пад музейныя памяшканні. Для наведвальнікаў музей быў адкрыты ў 1991 годзе.

Фонды Дзяржаўнага музея гісторыі беларускай літаратуры і яго філіялаў уяўляюць сабой унікальны збор музейных прадметаў, звязаных з гісторыяй беларускай літаратуры, і налічваюць звыш 108 тысяч адзінак захоўвання.

У яго складзе рарытэтныя выданні старадрукаваных помнікаў XVII – XVIII стст., рукапісы, дакументы, фатаграфіі і асабістыя рэчы беларускіх пісьменнікаў ХІХ – ХХ стст., кнігі з аўтографамі, рэдкія адзінкі іканаграфіі і ілюстрацыі вядомых мастакоў Беларусі да твораў беларускай літаратуры. Асобная частка – матэрыялы, звязаныя з жыццём і творчасцю М.Багдановіча і П.Броўкі.

Сёння ўсклад музея ўваходзяць 9 філіялаў:

- Літаратурны музей Максіма Багдановіча (г.Мінск, вул. М.Багдановіча, 7а);

- Беларуская хатка (г.Мінск, вул. Рабкораўская, 19);

- Фальварак Ракуцёўшчына (Мінская вобл., Маладзечанскі р-н, в.Ракуцёўшчына).

- Літаратурны музей Петруся Броўкі (г.Мінск, вул. К.Маркса, 30);

- Хата-музей Петруся Броўкі (Віцебская вобл., Ушацкі р-н, в.Пуцілкавічы);

- Музей-сядзіба Францішка Багушэвіча “Кушляны” (Гродзенская вобл., Смаргонскі р-н, а.г. Кушляны);

- Музей-сядзіба Міцкевічаў “Завоссе” (Брэсцкая вобл., Баранавіцкі р-н, в.Завоссе);

- Музей-дача Васіля Быкава (Мінская вобл., Мінскі р-н, а.г. Ждановічы);

- Літаратурны музей Кузьмы Чорнага (Мінская вобл., Капыльскі р-н, в.Цімкавічы);

Адрас: 220029, г. Мінск, вул. М.Багдановіча, 13 (Траецкае прадмесце)

E-mail: bellitmuseum@tut.by

+375 17 374-72-61 (прыёмная),

+375 17 363-56-21 (запіс на экскурсіі)

Аўторак, чацвер – нядзеля з 9.30 да 17.30,

серада з 9.30 да 19.00, панядзелак – выхадны дзень