Падынгтан— чалавекападобны акуляравы мядзведзь. Ён заўжды ветлівы— звяртаецца да людзей на “містар”, “місіс” і “міс”, рэдка па імені — і добрасардэчны, хоць да тых, хто выклікае ягоны недавер, ставіцца сувора. Мае надзвычайную асаблівасць трапляць у бясконцыя праблемы, але вядомы сваімі “найлепшымі намаганнямі зрабіць усё добра”. Ён быў знойдзены на Падынгтанскім вакзале Лондана сям’ёй Браўнаў, якія яго прытулілі, адкуль поўнае імя мядзведзяняці гучыць як “Падынгтан Браўн”.

У другой частцы мы ўбачым Падынгтана ў антыкварнай краме Лондана. Абаяльны мядзведзь знаходзіць там старадаўнюю кнігу, якую хоча падарыць сваёй цётцы Люсі на Дзень нараджэння. Але пакуль ён збірае патрэбныя грошы, выданне раптам выкрадаюць, а Падынгтан аказваецца за кратамі…