Галоўныя гераіні – тры сястры: Ханна, Лі і Холі. Ханна – знакамітая актрыса, узорная маці, выдатная сястра, разумная, інтэлігентная і проста вельмі прыгожая жанчына; Лі – каханка Фрэдэрыка, старога лядашчага мастака і мізантропа; Холі марыць стаць актрысай, пісьменніцай і яшчэ бог ведае кім...

Усё пачынае разбурацца, калі муж Ханны Эліёт нечакана ўсведамляе, што ён вар'яцка закаханы ў Лі. Лі кідае свайго пажылога палюбоўніка. Холі ў чарговы раз перажывае нервовы зрыў, падчас якога сустракае Мікі – меланхалічнага тэлепрадзюсера і былога мужа Ханны. Становішча напальваецца да мяжы ў Дзень Падзякі, калі ўсе збіраюцца разам.

Фільмы дэманструюцца на мове арыгіналу з рускімі субтытрамі.