«Вядо» – 2019, 42 хвіліны.
Аўтар сцэнарыя і рэжысёр Галіна Адамовіч, аператар Юры Дакучаеў.
Героі фільма – Веніямін Бычкоўскі і яго жонка Наста. Веніямін жыве ў вёсцы Бабровічы Івацэвіцкага раёна, дзе стварыў музей Палескага побыту, дзе дзякуючы яго намаганням пабудавана капліца ў памяць ахвяраў спаленых вёсак. Чалавек з цікавым лёсам, народжаны ў Башкірыі, тут ён знайшоў сваю другую малую радзіму. Улічваючы, што яго продкі родам з гэтых мясцін, можна сказаць, што ён вярнуўся на радзіму, здабыў спакой душы і чалавечае шчасце, стаў бацькам дваіх сыноў. Але сёння яны з Настай жывуць паралельна – ён у вёсцы, яна з сынамі ў сталіцы. Гэтая няпростая жыццёвая гісторыя не пакіне абыякавым гледача.

«Божа мой!» – 2004, 20 хвілін.
Аўтар сцэнарыя і рэжысёр Галіна Адамовіч, аператар Таццяна Логінава.
У цэнтры фільма – простая жанчына, якая жыве з сынам і каровай на мяжы Беларусі і Літвы. Яна адзіная, хто робіць скульптуры з цэмента, якія пасля можна ўбачыць на сельскіх могілках.

«Мужчынская справа» – 2006 г. 20 хвілін.
Аўтар сцэнарыя і рэжысёр Галіна Адамовіч, аператар Таццяна Логінава.
Спрадвеку музыкамі на Беларусі былі мужчыны. Без іх не абыходзілася ніводнае вяселле, ніводнае пахаванне. У фільме здымаліся ці не апошнія народныя музыкі на беларускім Палессі – трыа «Вярэнька» з вёскі Стахава Столінскага раёна.
Спецыяльны прыз журы «За арыгінальнае раскрыццё ладу героя», IV Міжнародны фестываль экранных мастацтваў «Кінатур», Жытомір, Украіна, 2007