Кушлянскі фэст 2021 ў горадзе Гродна

Мясціны, звязаныя з жыццём знакамітых дзеячоў беларускай культуры, зрабіліся сапраўднымі месцамі моцы, у якіх збіраецца энергія людзей самых розных творчых накірункаў.

28 жніўня 2021 г., у апошнія выходныя лета, з 12.00 да 16.00 Дзяржаўны музей гісторыі беларускай літаратуры запрашае ў Музей-сядзібу Францішка Багушэвіча “Кушляны” на чарговы “Кушлянскі фэст”, які ладзіцца ў гонар вялікага Песняра, аднаго з пачынальнікаў беларускай літаратуры.

Вас чакае ўсё толькі самае цікавае і пазнавальнае:

✅экскурсія па музеі Францішка Багушэвіча ад гаспадара сядзібы Алеся Жамойціна

✅монаспектакль “Дарожка мая” лідара этнатрыа “Троіца” Івана Кірчука

✅канцэрт-лекцыя “Ад дуды да раяля” майстра народных інструментаў Алеся Лася

✅выступленні фальклорных калектываў (“Явар”, “Мярэжа”, удзельнікаў Студэнцкага этнаграфічнага таварыства)

✅майстар-класы па беларускай лацінцы і вырабу сувенірных паштовак

✅мастацкі пленэр для дзетак

✅кірмаш ад майстроў Смаргоншчыны

✅духмяная гарбата з зёлак ад сядзібы “Дайнаўскі двор”

✅займальныя гульні, віктарыны, аквагрым і інш.

А таксама - гасціннасць, ўзняты настрой і самыя маляўнічыя краявіды!

Да сустрэчы ў Кушлянах! Будзе душэўна!

Для жадаючых будзе арганізаваны праезд на аўтобусе з г.Мінска.

Тэлефоны для сувязі: 8-017-363-07-61 (Мінск) 8-015-929-81-69 (Кушляны)