Парыж, 1930 год. Прэм'ера сюррэалістычнага фільма «Залаты век» выклікае грамадскі скандал. Ад маладога і бескампраміснага рэжысёра карціны Луіса Бунюэля адварочваюцца не толькі прадзюсары і мецэнаты, але і яго суаўтар, мастак Сальвадор Далі. Мяцежны іспанец спрабуе знайсці грошы на свой новы праект – дакументальны фільм пра найбяднейшы рэгіён краіны Лас Урдэс, дзе жыццёвы ўклад настолькі жудасны, што здаецца сапраўдным начным кашмарам. Бунюэль вяртаецца на радзіму, дзе сустракаецца са сваім даўнім прыяцелем, скульптарам-анархістам Рамонам Асіну. Спадзеючыся дапамагчы сябру, Асін купляе латарэйны білет і... выйграе буйную суму грошай. Бунюэль прыступае да здымак. Аднак яго метады працы шакуюць нешматлікіх аднадумцаў – членаў здымачнай групы...

Намінацыі і ўзнагароды

- Міжнародны фестываль анімацыйных фільмаў у Ансі. Прыз за лепшую арыгінальную музыку.

- Фестываль іспанскага кіно ў Малазе. Прыз за лепшую музыку.

- Міжнародны анімацыйны фестываль у Лос-Анджэлесе. Спецыяльны прыз журы.

- Міжнародны кінафестываль у Маямі. Удзельнік конкурснай праграмы.

- Мексіканскі міжнародны кінафестываль. Удзельнік фестывалю.