Расписание

Спектакль "Беларускія вадэвілі"

Кампазітар: Уладзімір КАНДРУСЕВІЧ

Балетмайстары: Яфім ФАДЗЕЕЎ, Людміла ФАДЗЕЕВА

Мастацкі кіраўнік: Уладзімір Савіцкі

Аўтары: Браты Далецкія

Пастаноўка: Уладзімір Савіцкі

Аўтары: Міхась Чарот

Мастак-пастаноўшчык: Ларыса Рулёва

Катэгорыя гледачоў: 16+

Спектакль на беларускай мове.

Працягласць — 2 гадзіны.

Жарты на дзве дзеі з антрактам (па творах “Міхалка” Братоў Далецкіх і “Мікітаў лапаць” Міхася Чарота)

Два кур'ёзныя выпадкі – увогуле, нічога страшнага, недарэчных памылак на дзень можа выдаць з дзясятак – калі б гаворка не ішла пра такую  важную справу як жаніцьба.

Два няўдачлівыя жаніхі, і ў кожнага – свая праблема. Адзін заблытаўся ў нявестах і ледзь не апынуўся пад вянцом з той, якая хоць і багатая, але, мякка кажучы, не вельмі маладая. Заблытаўся сам і астатніх збіў з панталыку, закруціўшы неверагодны клубок непаразуменняў і камічных недарэчнасцяў. Невядома, чым бы ўсё скончылася, калі б не прадпрымальнасць красуні-пакаёўкі і няшчасны выпадак з ...ўласнай старой кабылай!

Другому жаніху і зусім вяселля не згуляць, каб не хітрамудры план ягонае матулі. Разлад паміж Мантэкі і Капулеці – дзіцячыя гульні ў параўнанні з падкопамі, на якія здольныя добрыя суседзі ў нашай вёсцы пачатку мінулага стагоддзя! Так што не толькі жаніцьба, але нават простае спатканне закаханых Зоські ды Саўкі праз бацькоўскія сваркі было абсалютна невыканальнай місіяй. Зрэшты, трохі хітрасці плюс згублены лапаць – і ўсё завяршаецца шчаслівым фіналам. Як і належыць у вадэвілі.

Прэм’ера – 6 ліпеня 2016 года.