Расписание

Кароль Лір (16+)
У. Шэкспір
трагедыя

Рэжысёр-пастаноўшчык: Мікалай Пінігін
Сцэнаграфія і касцюмы: Кацярына Шымановіч
Кампазітар: Андрэй Зубрыч
Пераклад з англійскай мовы: Юрка Гаўрук
Стварэнне плаката:  Уладзімір Цэслер

Прэм'ера – 26 снежня 2019 года
Працягласць – 2 гадзіны 40 хвілін з антрактам

Выхаваўшы трох дачок, кароль Брытаніі Лір робіць шыкоўны жэст: ён дзеліць дзяржаву на часткі і аддае карону. Стомлены і знясілены ўладар хоча дажыць свае дні ў любові. Але нашчадкі вырашаюць інакш. Новае пакаленне пераймае ўладу, адмаўляючыся ад роднага бацькі і старога караля. Цяпер ён выгнаннік у голым полі, дзе ад колішняй велічы засталіся адно цьмяныя ўспаміны. Паволі перад Лірам паўстае жудасная карціна чалавечага крывадушша і сквапнасці. 
П’есы Уільяма Шэкспіра – гэта ўніверсальная гісторыя, у якой больш пытанняў, чым адказаў. Рэжысёр Мікалай Пінігін спрабуе задаць гэтыя пытанні беларускай публіцы, прамаўляючы са сцэны словамі Юркі Гаўрука – славутага перакладчыка Шэкспіра. 
Самаўпэўненасць, прага спагады, віна, крыўда і мяжа вар’яцтва. Кароль Лір. Вось перад вамі чалавек, які ён ёсць. 

Организатор: Национальный академический театр им. Я. Купалы.